DIARII
] APRILE MDIII. — XXXI MARZO MDIV
Marini Saniti Leonardi filii patricii veneti, de
successu Itali,« incipit liber quintus , quasi
    EPHIMERIDA.
Dii mexe di aprii 1503.
    Havendo compito l’ofìcio mio degli ordeni, dove son stato cinque fiate a proba to et electo per il consejo <li Pregadi, et essendo ussito di Colegio, per questo non voglio restar che, Domino concedente, non vadi scrivendo per zornata le nove venute di zorno in zorno meglio potrò acostandomi a la verità, acciò poi con il tempo possi seguir la mia vera historia cominziata zà alcuni anni. Perhò, non cerchando altra eloquentia dii eomponere, quivi noterò quanto se intendeva, cominziando al primo di questo.
    In questa matina introno in Colegio do savj di terra ferma, sier Bernardo Barbarigo fo dii serenissimo, et sier Zorzi Emo, et li savj ai ordeni nominati in l’altro libro, et li capi di 40 sier Polo Que-rini q. sier Andrea, sier Marco Moro q. sier Zuane, et sier Beneto Barozi q. sier Stephano.
    Vene in Colegio sier Antonio Bon venuto provedi-tor di Albania, stato in Alixio, el qual vene vestito di veluto negro. Referite pocho, et fo rimesso a li savj, dicendo dii suo credito si expecteria sier Nicolò Dol-fìn, qual per il Consejo di X era sta mandato synico in Albania, et è fama habi intromesso il prefato sier Antonio Bon per le cosse di Alixio.
Vene lettere di sier Beneto da cha’ da Pexa-ro, capitanio generai da mar, date di galia a
Corfù, a dì 22 marzo. Par babbi scrito a dì 15, ma non si ha (av)ute, e bora spazò uno gripo a posta venuto in zorni 10. Porta lettere di Candia importantissime, clic quel regimento lo avisa aver da Syo di 10 marzo, che hanno di Pera, di Panthalco Co-resi, di 24 zener. La conclusion e sumario è del zon-zer di nostri messi a Constantinopoli con le lettere, et non dice dove sia il nostro secretano era in Constan-tinopoli, si è morto o vivo ; ma ben eh’ el Turcho feva con gran celerità potente armata, et è per ussir ad ogni modo questo anno fuori. Sichè si judicha la pace anderà in fumo ; con altre particularilà ut in litteris. Per tanto, esso zeneral scrive a la Signoria che non si stagi di armar, e se li mandi danari, bi-scoto, monition, fanti e altre cosse necessarie per P armada. Item, si ha da Corfù e da Ragusi che etiam a la Valona si armava, e a la Vaiusa, sichè per tutto se intende il Turcho fa grande armata, eh’ è signal non saria pace.
   La qual nave, gionta pocho avanti nona, tutti li padri di Colegio fonno di mala voja, et fo comandalo il Pregadi, licet fusse il primo zorno inlrasse parie di sàvj, et feno per far provision di danari el altro.
   Da poi disnar adunca fo Pregadi, et fo messo queste parte ;
   Fu posto per il principe et il Colegio excepto però li savj ai ordeni che non messeno, che, per tanto bisogno, fusse posta una decima al montenuo- 1 vo a pagar per tutto 10 dii presente, con don di 10 per 100, potendo dar argenti eie. Ave 24 di no,
136 di sì, e fu presa.