491
MDXIV, GENNAIO.
     per custodia di le porte; et hanno auto letere di la Signoria nostra se li mandi maistranze sono lì per bisogno di l’arsenal, tanien le tenirano per tutta la setimana. Scriveno se li mandi danari, e se mai fu bisogno l’è al presente.
         Noto. L’altro eri fo mandato a Padoa ducati 1000, a Trevixo ducati 800: il colateral zeneral stà a Tre-vixo perchè non voi star col capitanio zeneral.
        Di Trevixo e di Friul forino letere. Nula da conto, de occurrentiis.
         Fo parlato in Colegio zerca l’armar con li Cai di X, et lecti li parlidi posti per alcuni che voleno andar sopracomito, e terminato far Consegio di X ozi per questo, licet fusse San Sebastian e non è solito farsi Consegio di X di festa, ma si chiama Pregadi e poi licentiato intra Consejo di X. Tamen fo terminato far Consejo di X per non esser mollo gran festa, licet per la terra tutti vardasse per esser sora il morbo.
        Da poi disnar adunca fo Consejo di X, et ledo 5 partidi posti per varii patrizi, quali, voleno esser sopracomiti, e consultato la cossa, fu preso di acep-lar uno partido posto per via di sier Zacaria Dollìn 287 savio del Consejo, i quai fono questi: sier Vetor Die:lo fo cataver qu. sier Baldissera, sier Gregorio Piza-mano fo provedador a Citadela, qu. sier Marco, sier Zuan Contarmi fo patron di galia, di sier Marco Antonio, et sier Nicolò Trivisan el XL zivil qu. sier Piero qu. sier Baldisera. Et fu presa la parte qui sol-toscrila. et voleano balotar questi 4, tamen fu terminato indusiar aziò si veda quelli vorano aceptar tal partido, balotarli tutti.
        Li dizion di la parte presa è questa : Abino ducati 400 al mese a zorni 33 per mese, videlicet ducati 800 di contadi per il meter de banco; et armando galia bastarda, abino, più de li ducati 800 per rata dei homeni averano da poi auti, abino ducati 250 al mese de li danari de la masena a l’uficio di le biave, principiando al partir loro di qui fino al ritorno, da esser scosi de mexe in mexe per li sui commessi. Non possine esser tenuti fuori dal mexe di Novem -brio 1514 in driedo; ma passato el ditto mexe, pos-sino venir a disarmar senza altra licentia, nè se possi meter parte in contrario sotto pena di ducati.... quali siano di l’arsenal, et la parte non se intendi presa si la non averi certo numero di balote limitade. Al ritorno, quello li avanzarà per conto del suo servir, li sia dato la mila a l’oficio di le biave de li danari soprascritti a ducali 50 al mexe per cadaun, et l’altra mità abino a spontar in tutte angarie sì poste come quelle se ponesseno, sì sue come di qua-
lunque persona. Le galie ge siano date palmate et fornite con le monition, artellarie et coriedi et non siano obligali ad angaria alcuna del..... et mancamento de diete, et coloro averano più balote, sia primo ad armar. In reliquis autem, justa la parie presa à dì 14 et 18 del mexe presente, non con-tradicente a questa.
    Ancora in dito Consejo di X fu asolto sier Stefano Celsi qu. sier .... homo di anni. . . . , qual è anni 25 per il Consejo di X bandito perchè, essendo XL criminal, reveloe certi secreti, et questo pro-misse donar a la Signoria ducati 100, et senza altro lezer el processo fu assolto, et la matina suseguen-te el dito vene in chiexia di San Marco, perchè el stava in questa tera, ma in caxa e non pareva a le mostre.
   A dì 21 la matina. La note nevegoe, e cussi 287* la matina e fo gran neve. Colegio si reduse, nula da conto.
    ■Fo letere di Padoa. I nimici a l’usato, et par non esser mossi.
    Vene in Colegio Carlo Corso, fo alias contesta-bele nostro, vien di Zenova con compagni zercha
.....quali lui li ha menati, et verso Chioza essi fanti
hanno patito naufragio, poco mancò non si anegas-reno, et nudi è scapolati. Bisogna darli sovenzion per vestirli et danari.
    Partite in questa matina sier Hironimo da cà da Pexaro andato proveditor zeneral a Trevixo, poi ch’el Pregadi non ha voluto aceptar la sua scusn. È andato con abondantia di neve per tera per il Teraio.
    In questa matina il Colegio si reduse a veder le scriture dii caso di sier Zuan Batista Grimani qu. sier Hironimo, qual fu preso a li zorni passati in Quaranlia di retenir per li avogadori di comun, per il caso incolpado di aver ferito sier Piero da Mosto Cao di sestier, di sier Francesco, per la qual ferita el morite, e si apresentó. Li deputati al Colegio sono sier Piero Marzello, sier Alvixe Sanudo consieri, sier Piero Contarmi l’avogador di comun, sier Sebastian Michiel Cao di XL, sier Vetor Malipiero e sier Andrea Dandolo signori di note, et fo lede le scriture, li testimoni e il suo constituto.
   È da saper, a la Avogaria, è uno caxo che sier Nicolò Querini di Stampalia teniva zà più anni uno scrigno ne la volta dii qu. sier Dardi Zustinian, nel
qual era da ducali.....milia, et par ch’el non si trova :
ha querelado contra sier Zuan Domenego Contarini qu. sier Julio che teniva le chiave di dita volta, et quello sarà noterò di soto : unum est, manca di danari.