543
MDXXVI, DICEMBRE.
544
Contestabeli è stà cassadi alla dila monstra.
Ferazin da Brexa,
Bernardo da Vilmercà,
Pochi panni,
Andrea da Coregio,
Otavian Vayla Hercule Poeta,
Bernardin da Trani,
Bortolamio Avogaro,
Fabricio Tadino,
Bernardo Manara,
Batista di Santo Angelo,
Rubin da Perosa,
Cesar da Martinengo,
Alexandro Colorgno,
Anleo Gigante,
Zuan da Riete,
Stefano Fanteaguzo,
Baldisera Azale,
Antonio Scolaro.
Copia de una lettera di Famagosta, scritta per Andrea Sanson a dì 19 Octubrio 1526, drizata a sier Alvise Loredan qu. sier Luca.
    Per far partecipe vostra magnificentia di le nove habiamo perfino al presente dì, vi mando la copia di una lettera, la qual, uno mio fiol se trova in Adna, la qual non obstante che la sia un poco tri-bulada et con amaritudine, tamen del tutto el ine bisogna soportar in pacientia, perchè semo nati in questo misero mondo per haver affanni. Il tcnor di la qual lettera è di questo tenor:
Laus Deo, 1526, in Adena.
   Observandissime Pater.
    A dì 6 del presente son zonto in Adna, in el qual luogo ho trovato molte tribulation per esser tutto questo paese sottosopra, per essersi levalo uno certo signor di la parte del Solfi nominato Tud Zarzardich, el qual ha fato testa et sì se alro-va de haver gran seguiti, et perfino al presente se atrova di haver da zerca 50 milia persone a cavallo et ben in ordine. El qual, da Zaman Basan del Gran Turco fiolo di uno suo barba, el qual fece taiar el padre di questo Gran Turco soldan Selim quando ebbe la signoria et da la madre
sua fo transfurado et menato dal Soffi, se levò et fece testa et va contra el Gran signor turco; con el qual se alrova esser uno fiolo de Ali Dolut qual fo taiado la testa per Sayt bassa, et prese do soi fioli et menoli in Constanlinopoli, el terzo scampò et andò dal Sophì, el qual se atrova esser con il presente signor Turzarchag sopraditlo. El bassa del Cogno nominato Schender Pasog fece da 20 milia persone a cavallo et 1500 schioppi, li qual sono li primi bassa che sono ne la Anatolia et nella Caramania, et li primi apresso la Porta del Signor. El signor di Adana nominato Zamatan og Paypol ha fato 3 milia persone a cavallo, el el signor de Tarsos nominato Saran og ha fattoi milia persone a cavallo, et el signor de Sis nominato Schander bey 200 persone a cavallo, li qual tutti se hanno redulo ne la campagna de Sivas, et de lì se hanno desfidà ditto et fezeno fatti d’arme per modo che restò vincidor el sopraditto Turzagarg el qual ha taiado a pezi tutti. Non è scapolado altro che el signor de Adena con doi feride mortai, l’una per mezo de la costa et l’altra in el viso, el qual è tornado con 300 cavalli feriti et mal conditionadi et stà per morire. El bassa del Cogno lo ha preso vivo et li fé taiar la testa ; tutto il resto morite in el fatto d’ arme. Si dice esser stà taiado 42 flamberi, restando vincitor di tutto quel paese, et prese la terra de Sivas la qual se dice esser una gran terra, el bora el tira a la volta di Aleppo. El signor de Damasco con il resto dei signori di la Soria se hanno redutto in Aleppo, et de lì lo aspetano perchè i non voi cam-pizar con esso per esser pochissimi, da zerca 5 in
li	milia persone ; et poi vedeno esser odiali da li populi et maxime da arabi. Sopra di queste montagne se ha levado uno capo de lari nominato Abel Asus, el qual ha fatto una asunada da zerca 300 cavalli, et andò per sachizar la Jaza, el la ventura volse che in quella notte piovete una gran pioza, et essendosi afirmado in uno caxale fori de la Jaza da zerca meza zornada, et uno allro signor
lo	hebbe per spia, et veder non veder, feze 200 cavalli de quelli casali circumvicini soi, et andò a F improvisa con tutte le pioze, et saltoli trovandoli a dormire, et taioli tutti, per modo che non scapulò anima nata de quelli. Et bora se dice come li parenti de li morti hanno fatlo tre capi, li qual vanno asonando zente per vegnir a sachizar Adena et la Jaza. Et il vice signor di Adena ha sunado da zerca 600 cavalli et mille pedoni, et ogni notte el stà a F erta fori di la terra per non esser