- 153
per ipsum a uobis interpositis, uel aliis eius iuribus sibi conpetentibus uel in posterum conpetituris, sed eis potius in quantum de iure potest expressius inherendo, in hiis scriptis a uobis et uestra curia et grauami-nibus supradictis prouocat et appellat ad sanctissimum in Christo patrem et dominum dominum Benedictum XII seu, si uacaret sedes appostolica, ad sacrum eius collegium cunctis iniuste oppressis in iusticia liberale, petens a uobis appellatos cum instancia sibi tradi. Et iterum cum in-stancia petens eos, et tociens ipsos petens, quociens ubi et quando sibi dignoscitur expedire, submictens ex nunc se et procuratores suos, iura episcopatus sui ac sua realia et personalia protectioni tutele et defen-sioni ipsius summi nostri pontificis uel eius uacante sede sacri collegii ad quod ut premictitur ipse prouocat et appellat, inibens insuper uobis, auctoritate sedis apostolice supradicte, sub penis contra tales a iure statutis, ne, hac sua appellatione pendente, debeatis contra ipsum epi-scopum seu eius procuratorem bona episcopatus sui et iura sua personalia et realia ex nunc per uos uel alium aliquid innouare, uel etiam attemptare, cum paratus sit per se uel eius procuratorem legitimum, presentem eius appellationem prosequi insimul et finire infra tempus a iuribus adinuentum, protestans ex nunc contra uos et uestram curiam ac partem ut premictitur sibi aduersam de expensis, dampnis, incomodis et cuiuslibet generis interesse, factis in predictis, occurentibus ex predictis, uel insorgentibus ex syn-gulis premissorum, protestans etiam in hiis scriptis de fiendis in posterum ac de causa circha omnia et syngula premissorum petenda et imploranda per ipsum coram conpetenti iudice locis et temporibus opportunis.
     Cui quidem protestationi seu appellationi idem dominus archie-piscopus breuiter respondit, quod contenta in predicta protestatione uera non erant, eo quod iuxta sententiam suam pro eodem debito Marci de Molino, quantitatem ipsius debiti nunquam persoluit nec curat persoluere, dando uerba et non facta, cum ipse dominus archiepiscopus paratus fuit et est eidem absolutionem dare super excomunicatione quam incurrit, si ipsum dominum archiepiscopum et partem aduersam idem episcopus de satisfatione ipsius debiti asecuraret, prout de iure tenetur, paratus ibidem recipere idem dominus archiepiscopus et procurator ipsius Marci solutionem uel securitatem conuenientem debiti memorati et sibi absolutions beneficium impartiri, licet appellationi sue friuule et inane non intendat aliqualiter deferre sicut nec debet de iure, propter eius duriciam, inobbedienciam et contumacias manifestas. Appellatos tamen refutationis ad informationem sedis sancte eiusdem infra tempus a iure statutum eidem episcopo uoluit asignare, monens ipsum episcopum et caritate fraterna exortans, coram eo personaliter constitutum, ut, satisfactione premissa, sue anime deberet conpati ac sue ecclesie desolate nec non