- 58 —
XVII
1344, 15 febbraio.
IV, II, 25 v.
     (Protocollo c. s.): Die quintodecimo februarii. Nobilis uir ser Mencius quondam Laurencii de Mencio, ciuis Ragusii, tanquam syndicus et procurator comunis et hominum ciuitatis Ragusii ad infrascripta specialiter depu-tatus, ut patet publico instrumento syndacatus manu Symonis de Forteguerris de Pistorio cancellarii dicti comunis Ragusii, scripto sub millessimo trecen-tessimo quadrigessimo quarto, indictione duodecima et die ultimo mensis ianuarii, a me Joanne notario infrascripto uiso et lecto, syndacario et procuratorio nomine predictorum ex potestate et bailia sibi concessa per formam dicti syndacatus, asumpsit et recepii magistrum Jacobum de Padua in phy-sice scientia peritum, ibidem presentem et uolentem, ad salarium comunis et hominum diete ciuitatis Ragusii pro uno anno proxime uenturo a die quo dictus magister Jacobus aplicuerit Ragusium inicium asumendo, cum pactis et condictionibus infrascriptis uidelicet, quod dictus magister Jacobus teneatur et debeat mederi de dieta arte physice cum necesse fuerit dominum comitem Ragusii qui nunc est et qui pro tempore fuerit et familiam suam, dominum archiepiscopum Ragusii et eius familiam, fratres predicatores et fratres minores conuentuum diete ciuitatis et omnes salariatos dicti comunis Ragusii, ac eciam omnes homines et personas Ragusii et eius districtuales, absque aliquo premio percipiendo, bene et fideliter prout sibi obstenderit gratia Saluatoris, nec recedere de dieta ciuitate Ragusii absque expressa licencia domini comitis Ragusii. Dictus uero ser Mencius syndicus et procurator predictus, syndacario et procuratorio nomine quo supra, se obligando dicto magistro Jacobo promisit eidem dare et soluere sibi pro suo labore et salario pro dicto anno trecentos perperos de Ragusio, quos dare et soluere teneatur et debeat eidem syngulis mensibus prout tangit pro rata. Que omnia et syngula supradicta promiserunt quilibet eorum unus alteri ad inuicem firma et rata habere et tenere, adtendere et obseruare et non contrafacere uel uenire, aliqua ratione uel causa, de iure uel de facto, sub pena ad inuicem centum perperorum de Ragusio, solemni stipulatione inter-ueniente inter eos in syngulis capitulis huius contractus, que totiens comic-tatur et exigi possit, quociens contrafactum fuerit in predictis uel aliquo predictorum. Item reficere et restituere unus alteri ad inuicem omnia et syngula dampna et expensas ac interesse litis et extra. Ad que omnia et syngula supradicta firmiter actendenda et obseruanda obligauerunt ad inuicem, scilicet dictus magister Jacobus omnia sua bona presentia et futura et dictus syndicus, syndicario nomine sepedicto, omnia bona comunis, hominum, per-