— 168 —
Benedictum contra infrascriptum Georgium, cuius quidem peticionis tenor talis est : « Coram uobis nobilibus et sapientibus uiris dominis iudicibus curiarum consulum et maris ciuitatis Jadre, conqueror ego Benedictus maran-gonus filius Zanini piscatoris de Jadra, de Georgio Sesselich habitatore Jadre, in eo uidelicet, quod cum ego Benedictus predictus ex parte una, et dictus Georgius parte ex altera, fecerimus societatem inter nos modis et conditio-nibus infrascriptis, uidelicet, quod ego Benedictus predictus ponere deberem duas tercias partes denariorum, et ipse Georgius reliquam terciam partem denariorum et suam barcam et suum filium et suum famulum, et quod de omni lucro quod faceremus ego Benedictus predictus habere deberem me-dietatem, et ipse Georgius habere deberet alteram medietatem et ultra dictam medietatem habere deberet libras sex paruorum ex comuni massa lucri, et cum posuerimus in societate ipsa denarios ut suprascriptum est, et ememe-rimus(!) hic Jadre ficus et caseum, et deinde iuerimus Nonam et ibi eme-rimus uinum, et cum ipsis rebus uidelicet, ficubus, caseo et uino iuerimus ad terram Fluminis, et ibi uendimus omnes predictas res, ubi etiam emimus aliquam partem lignaminis, sed non in tanta quantitate que sufficeret carrico diete barche, a qua terra Fluminis discedentes disposuimus Signan uenire pro compiendo carricum diete barce, et nobis occurrit uentus contrarius et mare procelosum, propter quod non potuimus excedere ultra portum sancti Spasi, in quem portum, longinquum forte duobus milliaribus a Segna, intra-uimus cum barca, ubi dictus Georgius dixit michi Benedicto : „Nos sumus in bono portu, ego ordinabo Petro filio meo quod cum fuerit maris tranqui-litas ipse mittat famulum ad nos“. Et sic Segnam iuimus, ubi dum essemus, famulus uenit ad nos Signam dicens quod erat maris tranquilitas, et tunc dictus Georgius dixit dicto eius famulo, quod reuertaretur ad barcam, et quod ipse et Petrus eius filius cum barca Signam uenirent. Et sic famulus recessit et iuit ad barcam, et modicum stando Petrus eius filius uenit Signam et predictum Georgium patrem suum reperit, cui dictus Georgius eius pater dixit: „Quare hue uenisti?“. Et tunc dictus Petrus respondit: „Quia famulus dixit michi parte uestra quod ad uos uenirem quam tocius et sic ueni festinus“. In quo medio, cum nullus esset in barca nisi ipse solus famulus, ipse famulus uoluit aperire capsam dicti mei Benedicti, in qua sciebat esse monetam su-pradictam, uidelicet ducatos IIIlor auri et libras LXXXta et soldos VI III paruorum, bone monete Venetiarum, sed capsam ipsam apperire non potuit ; finaliter ipse famulus cum ferris fecit unum foramen in dieta capsa tantum quod rrianum inmittere potuit in eadem, unde accepit monetam supradictam, uidelicet, ducatos lIIlor auri libras LXXXla soldos Villi diete bone monete, et postmodum aufugit et iuit uiam suam. Quo audito, uidelicet aduentu dicti Petri ad patrem, ego Benedictus dixi dicto Georgio: „Pro certo dictus famulus fecit malam massericiam denariorum qui sunt in barca“. Et in continenti dictus Georgius dixit michi Benedicto: ,,Vale(!) ad barcam et uide si famulus fecit aliquod damnum“. Et sic ego Benedictus ueni per mare, et dictus Petrus uenit per terram et applicuit cicius ad barcam quam ego Benedictus. Et pecii a dicto Petro si famulus acceperat aliquid, et Petrus michi respondit, quod acceperat nouem panes et terciam partem unius casei et alias res et etiam „tua capsa est male tractata“. Et quando intraui in barca (!) et uolui aperire capsam cum claui, ego capsam apperire non potui, quia deua-stata erat sera, et cum apperire non possem capsam cum claui ego dixi