— 155 —
petitione infrascripti Stefani, cuius tenor talis est: «Uolcus preco retulit et guarentauit mihi notario infrascripto se, coram dominis iudicibus curie maris, citasse et requisiuisse Stephanum Ambroseuich de Jadra, responsurum de iure Bartolo quondam domini Philippi de Sloradis, eius petitionem formantis sub hac forma :
      « Coram uobis, dominis iudicibus supradictis, compareo ego Bartolus suprascriptus, conqueror et querelanter expono, quod cum ego, cum sex ma-rinariis et dicto Stefano nauclerio meo, super quodam nauigio quod ego patroni§abam, dum nauigium in Segna onustauissemus lignamine laborato, uegelibus uidelicet, lanceis et aliis, et nauigando deuenissemus ad splatiam ciuitatis Fani, et ibidem, deiectis in mare ancoris, cum ego in terram de-scenderem et facerem dictum nauigium deonerare, et me procurante habere nabulum, cumque iam sex diebus continuis mercantias in terram dederimus ut dictum nauigium quasi uacuum remaneret, accidit die septimo, cum omnes marinarii essent in terra, et dictus Stefanus nauclerius cum Radossio, uno solum ex marinariis in dicto nauigio qui restauit, uidens uentum borrealem, aliquantulum mare turbatem (!) surexisse, nescio quare metuens, cum metuere minime debuerat, cucurrit ad funes ancorarum, sotio suo renuente et contra-dicente, funes soluit seu disligauit, et sic rellictis in mare ancoris, ipsum nauigium, illud uento impellente, uenit in terram et confractum est, et ego dampnificatus fui sine ratione in maximam mei Bartoli iacturam. Quare peto, per uos dominos iudices et uestram sententiam, dictum Stephanum, damnum qui tale et tantum mihi contulit, quod extimo mei pro parte ducatos CL, salua maiori taxatione, per uos dominos iudices fienda, dictum dampnum, uidelicet ducatos CL, ad mihi dandum, soluendum et restituendum senten-tialiter condempnari, saluo et reseruato omni alio meo iure quod haberem aduersus eum et omni alio addendi, minuendi, corrigendi etc., petens expensas factas, et de fiendis protesto omni modo, uia, iure, usu et forma quibus melius possum». Et uisa negatiua facta in iuditio per reum predictum, ac uisis terminis dicto actori assignatis ad probandum de iuribus suis, ac uisis ate-stationibus testium productorum per actorem predictum, per quos nichil penitus probauit de intentione sua, ymo totum contrarium per testes dicti actoris probatum fuit, ac uisis, auditis et dilligenter examinatis omnibus et singulis que per nos uidenda et examinanda fuerunt, et demum concluso in causa, CHRISTI NOMINE inuocato, pro tribunali sedentes sub logia magna comunis ad nostrum solitum bancum iuris ut moris est, presentibus partibus, in hiis scriptis, per nostram sententiam, absoluimus et absolutum reddimus supra-dictum Stefanum marinarium a petitione dicti Bartoli, ipsum Bartolum in expensis legiptimis condempnantes, dantes in pristaldum ad hanc nostram sententiam executioni mandandam, ser Bencum filium ser Magioii de Gallelli, tribunum curie Jadre, ibi presentem et intelligentem. Presentibus ser Marco de Girardo et ser Gregorio de Zadulinis, nobilibus ciuibus Jadre, testibus uocatis rogatis et aliis.
      Archivio di Stato, Zara. Sezione notarile. Curia consulum et maris. Notaio Pietro da Sarzana, sentenze fase. 2, carte 18 r.