Quatri pastors che stavin atènz, che pascolavin i siei armènz, mentri che jerin a pascola, si metin insieme a fevelà ma cun discòrs sant e devòt.
E just in pont a mieze gnot al svole un agnul jù dal ciel, e due’ disevin che 1’ è Gabriel, svolànt culi, svolànt culà.
Chei puarèz olevin sciampa.
<t Fradis miei ciars, no stait ve’ paùre ! Che jo us dirai ’ne buine vinture.
Yès di savé che al è nassut il Salvator in forme di un frut.
Dulà che 1’ è no lu savès :
t’ une statute lu ciatarès,
in te citàt di Betelèm
in t’ une grìpie, s’ un po’ di fen,
tremànt di frèt e squasi inglazzàt,
il bo e il mùs lu s’cialdin cui fiat ».
« Bon dì, bon an, ciare Signore, nó sin vignùz avonde a buinore.
Nó sin vignùz cun dute umiltàt, che nus mostrait chel frut che vès fat « O pastorùz, vedèlu culi, che, grant Idiu, 1’ è il miò ciar fi.
Ce us parie, fradis, di chest frutùt che par eh’ el ridi cui siei lavrùz ? ».
« Fi di ché Siore di chel biel vis, al par un agnul dal Paradis ; fi di ché Siore di chel biel front, al par un agnul di dut il mont.