— 181 —
    I	todèscs ’e crodin che chel al sedi il segnàl di une rivoluzion dai citadins, o pur dai Franzês che tomin, e no pensin plui che a salvâsi lassant dut impastanât. Tal zardin grant, pes contradis, par dut ’e restin ban-donâz i ciars dai regimènz parce che i soldâz, par s’ciampâ plui in presse, àn taiâz i furnimènz ai ciavai e sù, vie par Preclûs a Cividât e al Pulfar, o pe Puarte dai Roncs a Aquilee e plui in là dai Isùnz.
    La biele pensade dai Podestât ’e veve salvade la citât.