Quale hi volte il soreli, plui furbo che tal lor paìs, in jenfri lis cretis de montagne, al vigni ve a cucalis prime che vessin finît di svuataràsi ; o la ciampane di san Nicolò ’e sunave madins plui a buinore del solit : e alore, vaiulints, ’e scugnivin toma indaùr. Ma plui di spès, mitùt tal sen un mazzèt di violutis rossis ’e svolavin tal pradissìt de Tence, indulà che in gran ligne ’e jerin za a spietâlis lis striis ciargnelis e chèa del Friul.
    Su la spécule di Ciàbie, sun ché montagne verde e riinpinide che ciale parsore Cedarcis e che fàs ciantòn tra la Bût e il Ciarsò, si podeve vedélis in comarèz, a bali insieme e a bussàsi come tantis sûrs.
     Indulà cho tociavin lis còtulis e chei pidùz lizerins, il pràt al sflurive di bote ; e tal indomàn dut il ciadìn de Tence al pareve pituràt a strichis rossis, turchinis, blancis e zalis, a fuarze di pan-purcìn, lis e campanelutis che cuviarzèvin la tiare.
     E disin che ance sar Silvèrio, chel danàt che al piche la montagne rèt il Moscardo, al montave sul so grèbano ; e par gust di vedélis, al meteve il capiel vert e la gabane colór di rose.
    Su T ore di misdì, par rinfres’ ciàlis, al jevave sù dal mar un aiarìn zintìl. e, traviersade la pianure al mar-ciave a cavalòt de Bût, spacànt lis alis blancis mor-muiànt e bussànt a une a une lis ondadis che i vignivin incuintri.
    Cumò, tal ciadin de Tence no balin plui lis striis. Inveze sar Silvèrio al piche plui che mai, la joibe, e quant che 1’ à fat un gran grum di clàs, al ju sdrume jù te Bût e in forme di pureìt al tome sò a rimà. La ciampane di san Nicolò, sdrondeuade dal vint, cumò ’e sune a miezegnòt ; e chei bòz malinconics e misteriòs ’e parin il sglinghinà di une ciadene. Lis nestris striis, spauridis, ’e fuin a sculndisi daùr i grèbanos del Cuc o sul Ciaul
o	in jenfre lis Palis secis de Serenate. Chés di Gemiànie, vistxidis di neri, cu’ lis strezzis disfatis jù pes spàdulis, sintadis sul confin, ’e vain l’antighe amicìzie piardude.
Caterina Pkrcoto.