532
gar el comerchio solamente de tutto quello i venderano 2 per cento. E de quello non serà vendudo possino trar liberamente per dove i vorano senza pagar algun comerchio.
   Item tute Mercandantie che se trazerano per investida paga do per cento.
    Item che tute galie et nave et navilij de ogni sorta che passeranno per questo luogo si in lo andar corno in lo vegnir de-biano sorzer in el porto de Constantinopoli solamente et tuor quello li piaxerà et partirse liberamente.
   Item tute teste che serano condute de mar mazor siando de nation christiana se possi condur etiam per dove li piaxera liberamente. Et se alguna ne fosse venduda pagar se debia do per cento dichiarando chel non se possi condur del dito luogo alguna testa musulmana et essendo conduta sia persa senza far algum pagamento.
    Item tuti mercadanti Venetiani che dele parti da basso, condurano cum lor a suo servitij algun fameio o servo o libero, et sia de che condition se voia non li si possi dar algun impedimento over molestia e questo ancora se intende ai Mercadanti sono de presente in questo luogo.
   Item non voiando el dito Illustrissimo segnor che nium de Pera che fosse debitor a Venetianj pagasse, pur ha contenta che tuti Zenovexi possino esser astretti a pagar i lor debiti excepto quello o la valuta che et dito segnor Turcho havesse fato tuor per forza che fosse sta roba de quello venetian crededor.
   Item che le intrade che havea et Patriarcha de Constantinopoli in tuti i luogi dela Illustrissima deta Signoria de Venexia in tempo del Imperator de Costantinopoli cussi ha ver le debia de presente.
   Item che tutti i Mercadanti deio illustrissimo segnor Turcho andarano cum suo mercadantia in li luogi dela Illustrissima deta Segnoria de Venexia non debia pagar de più de comerchio de quello fano venetianj in li luogi del dito Illustrissimo Segnor, ma cussi debbiano pagar.
    Item tutti i navilj de Mercadantia de i subditi dell’ illustrissimo Segnor che fosseno incalzadi sopra algum porto dela Illustrissima deta Segnoria de Venexia dove sera cità over castello over altra fortezza si chel se possi defender che la prefata deta Illustrissima Signoria de Venexia sia tegnuda suo posse a farli