- 55 —
     La Concaciénara, la va de recavo 9) da la càvara e la ga dei: — «Ah, cávai’a, càvara, ma máre m’uó dà ancúi tri leìre de leìn chi ga feìlo, e meì, ■ i nu sié filàle,“ — La ga dei la càvara: — „G-neìnte; nu ta stá a dasparà: métamale sui cuórni, chi ta le filarié anca ste tri.“ — Gila 10), la ga li mòto sui cuórni, e la càvara anca ga li feìla. Su sor pioùn grànda viva veìsto chi che ga li viva filàde; a va a casa su mare, e la Concaciénara ga dei: — „Luna mare, ari11) i ió filà el leìn, chi ma vi dà, ánca ancúi l2).tl —
     A salta fora, alúra, su sor e la ga dei: — „Nuó, veh, duna mare, nu ga cardi,3); che’l lein, l’uó filá la càvara!“ — Su mare, alúra, doüto istissàda 14), ga dei: — „Quila cavara, i la vuoi massa!“ — La Concaciénara, alúra, la va da la càvara e la ga dei: — „Ah, càvara miéa, si ti savissi! ma máre, la ta voi massài“ — „Ben; la ga dei la càvara, la ma massaruó; làga15) che la ma màsso. Cu la ma màssa, tei ciù la treìpa e vàia a lavà in mareìna; ti catarie,16) drénto oün pumo 17) de uóro; ciùlo e métatalo in scarsiéla, e va a cása. La máre uó massà la càvara, e la Concagiénara zi zeìda a lavà la treìpa in mareìna; l’uó catá el púmo, la l’uó ciùlto, e la sa l’uó purtá a cása. Su sor, l’uó veìsta zeì ; la ga dei a su máre : — „Duna máre, la Concaciénara uó ciùlto la treìpa de la càvara, la zi zeìda a lavàia in mareìna: l’uó catá oùn púmo de uóro, la su l’uó misso in scarsiéla; i l’ié veìsta cu i ma uóci.“ — Su máre nu ga cardiva. La Concaciénara, intànto, zi zeìda a cása, e ’1 púmo, la l’uó butá intúl lidàn 18).
     Cu zi la sira, la máre ga dei a su feìa: — „Nuiàltre, la dei, i zarémo 19) a taiàtro, e tei, Concaciénara, ti rastarié "°) a cása: ti fragarié 21) el fuguliér.“ — E li sa vésto biél puleìto, e li va a taiàtro. Sta Concaciénara, chi iala gila?
     La va là dal púmo e la ga dei:
             —	„Púmo, biél púmo, despoúja la ráma, vésti la dàma:
               fàla pioùn biéla chi ti puoi.“ —
9) Di nuovo. I0) Ella. ") Guardate (interjez.), ls) Oggi. I3) Credete.
I1) Corrucciata. ,5) Lascia. ,6) Troverai. ■’) Pomo. 18) Letame. ,9) Andremo.
20) Resterai. 2l) Fregherai.