19
les nos, en tous lieux ou il seront et ou que il soit sos * nostre royauté, de leur persones et de toutes leurs cheuzes 2; alant, de-morant, et retornant, vendant et achatant sans rien doner; auront franchises en port et en cités, en pons et en ysseus de tous5 leus; sauf les Veneciens qui demorant sont desà mer, ce il passent par la Portella, que il soient tenus de paier droiture, si com est usage dou leuc. — Mais tous les Veneciens qui porteront or et argent et vedront cogner bezans ou monée 4, si donront la droiture ansi comme ceaus qui à Acre donoient droiture de bezans ou de monée. Et se 1’ or ou 1’ argent n’ en se congne bezans ou monoye, non donront nulle droiture. — Et si vaissiaus de Veneciens brissent en toute nostre terre, en rive de mer ou en mer, tout quant que seront délivré de la mer, soit homes ou autres choses, ou vasiau, tout sera sans dote et sans panser de nos et de nos subjès. Et se homes d’autre nation seront au vasiau que brisera, seront à nostre commandement. Et se autre mainere de vasiaus brisent, en qui soient Veneciens, les Veneciens soient frans et sans penser leur et toutes leur choses, le quelles il proveront qui soient sues; et li vasiau e les homes d’autre nation demoreront à nostre commandement aveuc le leur choses, et les veneciens vasiaus ne autre cheuze ne prenderont en leur, ou8 délivreront comme de leur. — Et aucuns des Veneciens vodra passer de nostre terre en autre de Cristiens ou de Sarracins, ou nos aions pais et sairemens, il pevent aler et revenir eaus et toute leur merchandise sans arestement. Et ce aucum dau-mage avient à cex Veneciens qui iront, nos nos penerons, et en tel mainere, procurarons cum de la nostre chose à recovrier. — Et ce il avient que Venecien meurt en nostre terre, et vodra de soues ehozes fair testament, et que Veneciens soit au leuc et voudra metre à la main de Venecien ou d’autre, celui testament receu sera6 en droit. Et se il avien que il meurt sans testament, et que Veneciens soit au leuc, les chozes dou meurt demorent à la mein de cel Venecin; et se de Venecien ne soit là, et meurt avec testa-
 1	soute.
 2	choses.
 3	tote.
 4	monoie.
 5	ne.
 6	seroit et droit.