284
intra Lares Patrios considerentur eximium harmoniae et tranquillitatis domesticae activitatis et industriae obsequii et humanitatis paradigma exhibent, seu vero jussu suae Majestatis Sacratissimae victricia Arma in longinquas Europae partes perferant, ubivis Nationum et locorum tanta cum laude suique distinctione agere sueverunt, ut non minus heroica virtute, quam cultura sua Civili communem amorem et aestimationem sibi conciliarint, desideriumque sui reliquerint, ac ta-liter nomini Nationis nostrae, caracterem celebritatis et gloriae in exteris quoque oris impresserint. Quamobrem interest, ut, quemadmodum illi, et nos unius eiusdem Patriae filii sumus, in puncto Nationalitatis nostrae illibate servandae, inque sua vetusta dignitate et gloria manutenendae noslris studiis aemulemur, uniformiterque sentiamus et agamus etiam.
      Restat jam nunc, ut sermonem meum finiam et Dominos Regni Able-gatos ad Relationem suam legendam provocem.
       „Dictio Responsoria nomine Statuum et Ordinum Regni per Excellentissi-mum Ulustrissimum ac Reverendissimum Dominum Alexandrum Alagovich, Epi-scopum Zagrabiensem Abbatem B. M. V. de Topuska, Inclyti Comitatus de Berzencze Supremum ac perpetuum Comitem S. C. et R. A. M. Actualem Inti-mum Status Consiliarium, nec non Excelsi in Regnis Dalmatiae, Croatiae et Slavoniae Banalis officii Regium Locumtenentem pronunciata.
Excellentissime ac Illustrissime Domine Baro Bane!
       Indulgeat mihi, oro, Excellentia Vestra, ut antequam honorificum, ad quod provocantur officium Domini Ablegati a Generalibus Comitiis reduces ac-cipiant, in hanc suavissimam Dictionem, qua nos ad nostram hanc Generalem Congregationem confluentes peramanter adsalutare dignabatur, tam mea, quam, uti confido, Excelsorum Procerum et Inclytorum SS. et 00. sensa paucis explicem.
      Congregationes Regnorum horum quae in adaequata Jurium paritate Regni Hungariae So eia a Seculis appellantur, jam olim erant, quasi quaedam Festa Nationis, quibus fiorentissima Nobilitas nostra praemisso Cultu Divino publico ad promovenda Nationis decora et emolumenta priscum unionis et Ami-citiae foedus inter se quasi junctis dexteris renovabat. Consignatae sunt illae in analibus nostris tanquam totidein Nationales virtutis et consistentiae, nulli praeter Coronatum Augustum Regis Apostolici Caput dominationi obnoxiae illu-stria monumenta.
       Itaque ad hanc festam Patriae nostrae diem — nos quoque ovantes con-currimus, et invocato jam illius Numine a quo bona cuncta procedunt, sub glorioso Excellentiae Vestrae Praesidio, fraternae dilectionis Gentique huic ad omne praeclarum opus et gloriam Nationalem congenitae aemulationis vincula mòre institutoque Majorum arctius adstricturi.
       Gaudium hoc increscit in eo gradu, in quo decrevit solicitudo nobis tunc injecta, cum nuper formidare caeperamus, ne Excellentiam Vestram novercan-tibus circumstantiis ab hac excelsa Banali Sede recedentem lugere debeamus, quod equidem nobis non potuisset non incredibilem afferre maerorem et con-sternationem. Sive enim sublimes Excellentiae Vestrae animi dotes, seu stre-nuos per tempus, quo Regnis his sapientissime praeest, in eorum decus et com-