84
susceptionem Regiminis Nostri Regni Hungariae aliquo modo in elTectum deduct» non forent, Nos statim tempore apprehensionis regiminis dicti Regni Hungariae omnes modos et rationes inituros et adinventuros, ut tam praetitulatae Viennenses Constitutiones et Articuli in effectum deducantur, quam uero de certo et indubitato stipendio, et restitutione Confiniorum Banalium prouisum sit; interea tarnen in conferendis Capitaneatibus, Praefecturis aliisque officiis Confiniorum Croatiae et Sclauoniae, aequalem Indigenarum eorundem Regnorum cum Prouincialibus Nostris rationem habituros semper, atque Supremis Praefectis et aliis Capitaneis benigne ac serio mandaturos, ne se in Jurisdictionem Dominorum Terrestrium et Liberarum Civitatum intromittant. Denique Valacbos, in Terris Statuum et Ordinum praefatorum Regnorum Croatiae et Sclauoniae residentes, quos Sacra Caesarea Maiestas Jurisdictioni Dominorum Terrestrium, per speciales Commis-sarios, sub hac Diaeta nominandos, applicare et subjicere benigne promisit, Nos etiam nec per Nos, nec per Generales, aut Capitaneos Confiniorum impedieinus, quin potius Literas ad eosdem Generales Capitaneos statim expediemus: ut cum primum dicti Commissarii Suae Caesareae Maiestatis et Regni ad Tractatum descenderint, omnem manum Suam a Jurisdictione dictorum Valachorum eximant, et determination! eorundem Commissariorum sese accomodent. Super quibus praemissis omnibus dictos Status et Ordines Regnorum Croatiae et Sclauoniae vigore praesentis Diplomatis Nostri, propria manu Nostra subscripti, et sigillo Nostro muniti, assecurauimus. Datum Posonii XV. Calendas Julias. Anno Domini M.D.C.XVIII. Ferdinandus.
(Caeteris exmissis.)
Originale in Archivio Regni Croatiae.
1643 — 1681.
Leopoldus Rex artículos plurium, inde ab A. 1643 usque ad 1681 celebra-tarum, Regni Croatiae et Slavoniae diaetarum A. 1681 confirmat.
      Nos Leopoldus, Dei gratia electus Romanorum Imperator semper Augustus, ac Germaniae, Hungariae, Bohemiae, Dalmatiae, Croatiae, Sclavoniaeque etc. Rex, Archidux Auslriae, Dux Burgundiae, Brabantiae, Styriae, Carinthiae, Carnioliae, Marchio Moraviae, Comes Habspurgi, Tyrolis et Goriciae etc. Memoriae cnmmendamus tenore praesentium significantes quibus expedit universis. Quod Fideles nostri Regnorum nostrorum Dalmatiae, Croatiae et Sclauoniae Status ac Ordines, medio fidelis ilidem nostri Egregii Magistri Petri Antolchich, eorundem Regnorum nostrorum Prothonotarii et ad praesentem Generalem Regni nostri Hungariae Diaetam Ablegati Nuncii, exhibuerunt nobis et praesentarunt certos quosdam Artículos, in diuersis generalibus eorundem Congregationibus et Conuentibus, ab Anno Millesimo Sexcentesimo quadragesimo tertio usque ad annum itidem Millesimum Sexcentesimum Octuagesimum primum celebratis, com-