232
CLVI.
1496. 4. Decembris. Budue.
Vladislaus Rex anliquam legem et consvetudinem Regni Slavoniae, qua ejusdem Regni Banus suos Vicebanos so-lummodo e gremio possessionatorum Incolarum eligere poterat, confirmât.
                                               Commissio propria Domini Regis.
       Wladislaus Dei grada Rex Hungarie et Bohemie etc. Fideli nostro Illustri Johanni Cornino, Oppauie et Lipthouie Duci, ac Regni nostri Sclauonie Bano <frc. salutem et graciam. Expositum exstitit Maiestati nostre pro parte, et in personis fidelium nostrorum Vniuersitatis Nobilium Regni nostri Sclauonie. Quod, quarnuis ipsi ab antiquo hanc habuerint priuatam legem et consuetudinem, vt Vicebani semper in ipsorum medio, de pocioribus et antiquioribus Nobilibus per Banos nostros pro tempore constitutos electi fuerint, et non externi qualescunque, aut nouiter nobilitati. Tamen his aliquot annis preteritis huiusmodi ipsorum antiqua consuetudo aliqualiter exorbitasset. Quod cederet in oppressionem et iniuriam eorundem non mediocrem. Quia autem nos ipsum Regnum nostrum Sclauonie et eiusdem incolas omnino in antiquis suis iuribus et libertatibus intendimus et volumus conseruare. Ideo fidelitati vestre harum serie mandamus firmiter, vt a modo deinceps dictam vniuersitatem Nobilium in eorum predictis antiquis consue-tudinibus et iuribus conseruetis, Vicebanos tales in medio eorundem, qui sint modo premisso de pocioribus Nobilibus et antiquiori familia in ipso Regno nostro Sclauonie eligendo. Et hoc volumus etiam per futuros Banos eiusdem Regni nostri suo modo obseruari. Secus non fachiri. Presentibus perlectis exhibenti restitutis. Datum Rude feria secunda proxima ante festum Beati Nicolai Episcopi et Confessoris. Anno Domini Millesimo quadringentesimo nonagesimo sexto.
(Sigìllum Reyium appressum.)
Orig. earth. in Archivo Regni Croatiae. Priv. N. 73.