95
L\XIV.
Anno 1283. 12. Maji. Spalati.
Joannnes, Spalatensis Archiepiscopus et totius Dalmatia e, Croatiae, Slavoniaeque Primas, Episcopum Scardonensem, ne in alienis Dioecesibus potestatem ordinis et jurisdictio-nis episcopalis exerceat, serio monet.
       Johannes diuina miseracione Spalatensis Archiepiscopus, tocius Dalmatie, Croatie, Sclauonieque Primas, venerabili fratri domino N. per eandem episcopo Scardonensi, salutem in domino. Testante sacro Concilio anno preterito in Spa-leto celebrato, ordinasse ac firmiter precepisse recolimus, quod nullus suffraga-neorum nostrorum, in preiudicium alterius, clericos alterius dioecesis ad sacros ordines promouere, aut alia ecclesiastica et episcopalia sacramenta ministrare presumat, sub pena quingentarum librarum. Sed sue diecesis finibus sit conten-tus. Quod preceptum et tam salubre statutum venerabilis frater noster G. dei gracia Traguriensis episcopus, in festo beati Dompnii, presentibus nostris suffra-ganeis, et vniuerso clero, vos infregisse grauiter nobis est conquestus, dicens, vos Sibenicenses Clericos ad sacros ordines promouisse, ac eis Crisma contulisse, nec non baptisma paruulorum, ac alia sacramenta ecclesiastica et episcopalia celebrasse, in sui preiudicium et grauamen. Cum dicti Clerici Sibenicenses et to-tum Sibenicum, subiecti sint de iure episcopo et episcopatui Traguriensi, excusantes uos omnia supradicto nostro mandato et auctoritate fecisse. Hanc totam suam querimoniam nobis impingendo et contra nos conquerendo, plurimum nobis, quin pocius supra modum debitum, exstitit infestus et molestus, tamquam grauiter sautiatus et afflictus. Et si bene recolitis, cum nuper in societate Pauli Bani ad nos accessistis, super eodem facto non solum a Traguriensibus, sed etiam a Spa-latensibus, grauissimas lamentaciones et terribiles conquestiones in presencia domini polestatis Spalatensis et omnium nobilium Spalatensium, non absque magno nostri cordis dolore, et multi certaminis agone, opposita etiam contra nos rigida, dura, aspera et molesta appellacione, audiuimus. Super quibus omnibus grauiter afllicti et perturbati, ad instanciam et preces multas omnium suffraganeorum nostrorum, qui presentes in festo sancii dompnii exstiterunt, taliter vestre frater-nitati scribimus et per hoc presens scriptum nostrum firmiter et districte preci-pimus et precipiendo mandamus : Quatenus in antea, sicut graciam beati dompnii et nostram caram habetis, et dicti concilij penam uultis effugere, supradictam nullatenus acceptetis et in predictis nullatenus excedatis. Alioquin indignacionem