244
CL XV.
  Anno 1499. die 21. Ocfobris. Budae.
Vladislaus Rex Vicario et Capitulo Zagrabiensi, ne causas spirituales Regnicolarum Regni Slavoniae per Locumte-nentem Chasmensem judicari prohibeant, mandai.
                                              Commissio propria Domini Regis.
      Wladislaus Dei gracia Rex Hungarie et Bohemie &c. Fidelibus noslris Honorabilibus Georgio Archidiácono de Bexin Vicario, ceterisque Canonicis et toti Capitulo Ecclesie Zagrabiensis salutem et graciam. Expositum exstitit Maie-stati nostre in personis fideliuin nostrorum Vniuersorum Nobilium Regni nostri Sclauonie. Qualiter vos post mortem et decessum Reuerendi patris condam Domini Osualdi Episcopi Zagrabiensis Prelati vestri inhibuissetis Locumtenentem Ecclesie Chasmensis, contra consuetudinein hactenus obseruatam, ne se de causis Regnicolarum illius Regni nostri, qui illi Capitulo propinquiores essent et qui coram eo agere consueverunt, impedirei; sed omnes tam Nobiles, quam etiam popularis condicionis homines litigare volentes, in vestri presenciam pro exami-nandis causis transmitiere. O11® res cum et iniusta sit, et illi Regno nostro Sclauonie, presertim vero Nobilibus prope Zdencz et Atthyna, aliisque locis remo-cioribus commorantibus nimis onerosa existat, nos pati nolentes, vt ipsi Regni-cole nostri pro huiusmodi causis per tantam terrarum distanciam relictis Judiciis, que coram Locumtenente Ecclesie Chasmensis fieri consueverunt, ad vos, et ad sedein illam laborare cogantur, presertim cum hucvsque predictam consuetudinem obseruatam esse intelligamus. Mandamus propterea fidelitatibus vestris serie presencium firmissime : vt statim visis presentibus, illud edictum, quod fecisse perhibemini, ne scilicet Locumtenens Chasmensis se de causis Regnicolarum im-pediat, reuocetis, et eundem Locumtenentem atque Capitulum Chasmense, sicuti hactenus, ita etiam deinceps lites omnium causancium, que in sui presenciam ' mote fuerint, adiudicare permittatis; et aliud nullo modo facere audeatis. Presentibus perlectis exhibenti restitutis. Datum Bude in festo undecim millium Virginum. Anno Domini Millesimo, quadringentesimo nonagésimo nono.
{Sigiliuni Regium appressimi )
Orig. carth. in Archivo Regni Croatiae. Priv. Nr. 84.