Spapolarla tuta, solo, senza ofrir una fetina a la gente che se speta de gustarse una s-ciantina, xe un afar che no va zoso: da ligarsela sul deo; do burlai deventa diexe, vinti,., trenta, un gran corteo, ne son mi che lo consiglio, lu capisse la ragion? son el cogo che 1’ à fata, e me speta el mio bocon.
Questa scena che presento xe una scena Goldoniana eh’ ò trovado in un aiegra comediola veneziana.
     Sempre lu, senza fermarse, fina adesso à ciacierado quela macia bergamasca che Goldoni ga esaltado, resto mi, che pazientando no go dito una parola per finir sto suo sproloquio con parole che consola.
     Arlechin e Sior Fiorindo, mi li lasso a far a lori, se el la magna o no’ I la magna co’ 1 ragù o coi pomidori, xe un afar che lo riguarda; le funzion particolaii del suo stomego „patrizio“ forse gusti culinari
     per dei piati assai più fini lo costrenze a rifiutarla?
     La ragion che lo consiglia de magnarla o no magnarla tuto cose secondarie, se a quel povaro Arlechin no ghe toca una fetina ne ghe resta un deo de vin.
     Mi so solo, che ai bei tempi quando i Dogi la magnava el Leon, sul Bucintoro iera là eh’el gongolava; co le ale averte al vento, co una zata sul vangelo, da la boca spalancada 1’ urlo suo ’rivava al gielo,
     ma ogni volta che sti Dogi i se dava a la . . . papada, el vangelo se serava co la solita zatada.
Sta lezion la parla ciaro; no fazzemo stroleghezzi, meno scherzi, teste a segno : no disemo stupidezzi.
     No fazzemo i protestanti per posar da puritani no xe tempi per sentirse Calvinisti o Luterani, mi per questo, me riposo, senza urtarme co’ 1 Destin : se’ I Leon serava el libro, e mi sero el Dalmatin.
                                    LUIGI BAUCH