48
LE FRITOLE
Su, Marta, impizza el fogo e una pignata Scalda d’acqua ; po neta la fersora ;
Averzi la credenza e tira fora Farina e zucaro . . . Scazza la gaia !
Lava l’ha e i pignoi . . . Go dito lava E no : magna !... „Un granelin, parona,
Andà de mal . . ./* — „Su, missia, ciacolona, Che no fazza gnocheti . . . Cussi, brava!
Adesso buia drento el pan gratà,
Tre pometi scorzai taiadi fini,
Una presa de sai, do bicerini De rosolio e una iozza de mistrà.
Grata sora la scorza de un limon ;
Missia ... Me par che ghe xe tuto . . . Basta! Lassemo adesso riposar la pasta.
Svoda in fersora l’oio dal bozzon.
El xe bolente ? Bagna el cuciarin Drento ; impenissilo de pasta e . . . zoso ! Presto un altro ! . . . Dismentiga el moroso !
Se le se taca, scassile un fiatiti.
Mi intanto el zucareto de vanilia Preparo . . ■ Zerca che le vegna tonde;
Cavile fora co le se fa bionde . . .
Ecole qua . . . Varè che meravilia !
Che no te salta el grilo de magnar Gnanca meza! No za che mi no voio :
Ma co se frize el dopio va de oio Se prima de finir se voi tastar . . .
Sentì, sentì, crature, che odorin Che te manda per tuta la cusina ;
E za se ga inacorto la vizino, che la vedo cucar dal balconzin.
Cuca, squinzia ! Compagne de le mie Al mondo no le gusti e no le vedi !
E dir che d’ esser /' unica ti credi De farle rare ! . . . marameo ! . . . Ste sìe
Nel piatin le te aspeta co ti vieti.
E có in confronto de le tue stopose Ti sentirà le mie cussi gustose,
Te pararà de mastigar velen.
MARIO RUSSO
                           i